Posts Tagged ‘katiba’

Tamko kwa UMMA:Jukwaa la Katiba Tanzania

Monday, November 7th, 2011

Rasimu ya Muswada wa Sheria ya Kupitia Katiba

Wednesday, October 26th, 2011

Release new Bill on Constitution, State urged

Wednesday, August 3rd, 2011

 

The Citizen Reporter
Dar es Salaam. The government came under pressure yesterday to make public the revised version of the Constitutional Review Act 2011.Participants at an open forum demanded that the revised bill be made available for popular debate before it is tabled in Parliament.

 

The bill, first introduced early this year, was overwhelmingly rejected during debates in Dodoma, Dar es Salaam and Zanzibar, forcing the government to withdraw it for amendments.Participants at the meeting accused the government of being reluctant to issue the document and vowed that they would not relent in their quest to have it released.

 

The forum organised by civil society organisations and activists came on the heels of unconfirmed reports that the government had already revised the bill, and was intending to table it soon in parliament.

 

But the chairmanof the Constitutional Debate Forum, Mr Deus Kibamba, said the government appeared not to be ready for change, and was trying to delay the process.Mr Kibamba alleged that the government had secretly started amending the current constitution without following the right legal procedures.

 

 

The country might experience chaos should the process of writing the new constitution not be transparent, he said.

 

 

Calling on the public to stand firm on the matter, Mr Kibamba declared: “We will not accept any more cheating on this. We are fully prepared to be jailed or killed if they do it contrary to the public’s expectations.” The Reverend Christopher Mtikila expressed the same sentiments and said: “Let us join hands together for the deliverance of Tanganyika that will provide a clear roadmap to the new constitution.”

 

Rev Mtikila also urged the public to “get ready for anything” to ensure their views were incorporated in the envisaged mother law.Land ownership and exploitation of minerals and other natural resources took centrestage as speakers demanded that the new constitution clearly spell out guidelines on such matters.

 

 

Dr Bashiru Ally, a lecturer at the University of Dar es Salaam, described the situation in the country as a “grief period” as the nation’s resources are allegedly being easily squandered by a small group of people. “The public need to be told who bought the privatised ranches, government houses and other properties,’ he said, adding that the new constitution has to consider such key issues.

 

 

A participant, Zuwena Kamba, accused politicians of “double standards” in the search for a new constitution. She said they did not practise what they said and deceived the public. Some politicians do not have a firm stand, she added, “as they say one thing during the day and preach another at night”.

 

 

Tanzania Teachers Union Chairman Gratias Mukoba called on the public to prepare for demonstrations and take risks for the sake of change. He envisaged a new constitution that would overhaul the current education system and create the foundation for a good one that would promise a better life for all.

 

 

Dar es Salaam University College of Education student Gwakisa Gwakisa urged youth to forge a new platform free of political affiliation to help push the process forward.“Youth should shun party politics and come together to advocate collectively for our affairs,” he said. According to Mr Gwakisa, young people have been ignored in the process of drawing a new constitution.

 

 

Meanwhile, Justice and Constitutional Affairs minister Celina Kombani declined to comment on claims that the government was secretly going on with the amendment of the constitution.Speaking on phone from Dodoma, the minister said she would answer all questions on the constitutional review bill when tabling her budget speech.

 

 

“I cannot say anything now,” she said. “Wait until I table my budget speech and you will get answers to those questions.”

 

Source:The Citizen

 

 

The Constitutional Review Act, 2011

Thursday, July 28th, 2011

RAI YA JENERALI:Hatari ya vurugu inatoka kwa watawala, Slaa asiwape kisingizio

Thursday, June 9th, 2011

Na Jenerali Ulimwengu

 

KATIKA kipindi hiki tunapoikazania Serikali ya Rais Jakaya Kikwete isifanye mchezo na suala la Katiba, tunalo jukumu la kutuliza akili zetu na kupima kwa kina kila tunachokisema na kukiandika.

 

Nasema haya kwa sababu naona kama tunalo tatizo linalotokana na Serikali yetu kuonekana kama vile haina msimamo kuhusu suala hili kubwa na zito. Hakuna dalili za wazi zinazoonyesha kwamba Baraza la Mawaziri limeketi na kulijadili kwa undani na kupata msimamo wa pamoja, na wala hakuna dalili kwamba mkuu wa Serikali hiyo, Rais Kikwete amewapa watu wake maagizo kuhusu nini wafanya na nini waseme kuhusu mada hii ya Katiba.

 

Kinachojitokeza ni taswira ya kuparaganyika kwa mawazo na kutokuelewana miongoni mwa wale wanaotarajiwa kutuongoza. Kwa bahati mbaya, ingawaje sasa naamini watakuwa wamegundua kwamba walichokifikiria kuwa kitu rahisi, ni kigumu kweli kweli na wanatakiwa wajiandae kukishughulikia kwa umakini mkubwa kuliko huo walioudhihirisha hadi sasa.

 

Ningependa nirejee jambo ambalo nimekuwa nikilishadidia kwa muda mrefu kidogo: Suala la Katiba mpya limeshika kasi isiyokuwa ya kawaida, na wala haliwezi kuondoka kirahisi. Linahitaji kufanyiwa kazi itakayowaridhisha wananchi, na hiyo kazi haiwezekani ikafanyika ila kwa kuwahusisha wananchi kwa kiwango kikubwa kinachowezekana.

 

Ukweli ni kwamba, hata kama hatukuwa tumezowea hili, hivi sasa wananchi wanataka mabadiliko makubwa katika maisha yao, na wanataka kuanza na Katiba watakayoiandaa wenyewe.

 

Ni kwa nini wananchi wamefikia kiwango hiki cha utashi, mimi binafsi sina jibu la haraka, na kila mtu anaweza kuwa na maoni yake. Lakini naamini kwamba wananchi wengi wameanza kung’amua kwamba mambo hayaendi kama ambavyo yanatakiwa yaende.

 

Wanayaona maisha yao yakiwa hayana matarajio tena. wanaona hali zao za kiuchumi na kijamii zikizidi kuzorota. Wanaona maisha bora waliyoahidiwa kama ni mzaha wamechezewa. Wanawaona watawala wao kama waongo na wanafiki, wasiojali, wala rushwa na wauza nchi. Hawaamini lo lote linalosemwa na watawala kwani wamekwisha kudanganywa mara nyingi.

 

Sasa wamehamanika na wanataka mabadiliko, tena wanataka mabadiliko makubwa.

 

Nimekuwa nikifuatilia kwa kiasi fulani maandamano na mikutano ya viongozi wa CHADEMA katika mikoa ya Kusini, na nimekuwa nikiangalia maelfu ya watu wanaoshiriki katika maandamano hayo na mikutano hiyo. Ningekuwa mtawala ningeshitushwa na mikusanyiko ile kwa sababu ningetambua kwamba inabeba ujumbe mzito kwangu.

 

Ujumbe unaotoka katika maandamano yale na mikutano ile ni kwamba wananchi wamechoka. Ukiona kaumu ya watu kama tuliyoiona katika miji midogo na ya ‘pembezoni’ kama Sumbawanga wanaandamana na kukaa mkutanoni wakisikiliza kama watotot wa shule wanavyokaa darasani kumsikiliza mwalimu, unajua kwamba kuna kitu kimebadilika katika jamii ya Watanzania.

 

Lakini papo hapo ningependa kutoa angalizo. Kama nilivyowahi kuandika huko nyuma, hii si mara ya kwanza tunashuhudia hamaniko la aina hii la kutaka mabadiliko. Nimeandika kwamba tuliwahi kuona, hapa nchini, hamasa walizozua wanasiasa kama Chistopher Mtikila na Augustine Mrema wakati ule. Watu wengi waliwachukulia hawa kama wakombozi wao. Baadaye bila shaka walikuja kugundua kwamba matumaini yao yalikuwa yamegonga mwamba.

 

Lakini shauku ikiisha kujengeka kwamba hali iliyopo haifai na ni lazima ibadilike, shauku hiyo haiishi kwa sababu manabii waliotarajiwa kufanya kazi ya ukombozi wamedondoka kando ya njia, bali shauku hiyo huhamishwa na jukumu la ukombozi likatafutiwa manabii wengine. Na kwetu ndivyo ilivyokuwa.

 

Kikwete alipoingia madarakani mwaka 2005 shauku hiyo ilikuwa imehamishiwa kwake. Bila shaka mwenyewe atakuwa anakumbuka kwamba ilifika mahali wakati wa kampeni ndani ya CCM ikasemwa kwamba hata kama CCM wasingemchagua yeye kuwa mgombea, angepata kuwa rais kwa kupitia chama kingine cho chote. Hayo yalisemwa na wana CCM na wanachama wa vyama vya upinzani pia.

 

Hili nalisisistiza kwa makusudi mazima: Hizi ni dalili za kuhamanika na kukata tamaa kwa Watanzania wengi. Na hali hii imekuwapo kwa muda mrefu toka utawala wa Rais Ali Hassan Mwinyi hadi ule wa Rais Benjamin Mkapa. Sasa inajirudia katika utawala wa Rais Jakaya Kikwete.

 

Wananchi wengi wanaona mkombozi wao mpya, nabii wao mpya, ni CHADEMA. Wanachosema katika lugha ya miili yao ambayo naiona kupitia televesheni na kupitia magazeti, ni kwamba wakipata fursa ya kupiga kura na uchaguzi ukawa “huru na wa haki” wanaweza (na uwezekano huo ni mkubwa) watapiga kura kuichagua CHADEMA.

 

Sasa, kama tunavyojua, uchaguzi mwingine ni mwaka 2015. Bado tunayo miaka minne hadi tupate fursa nyingine ya kupiga kura. Ni vyema kwa wale wanaotaka kufanya mabadiliko katika utawala wa nchi hii kwa njia mbali mbali wakautumia muda uliosalia kujiandaa kwa ajili ya uchaguzi huo, na wale wanaotaka kuiondoa CCM madarakani wafanye kampeni ya nguvu ya kuwahamasisha wapiga kura kimawazo lakini pia na kuwahamasisha wajitokeza siku ya kupiga kura ili watimize azima yao.

 

Ndiyo maana nilijikuta nikiwa na wasiwasi (wiki chache zilizopita) nilipomsikia Katibu Mkuu wa CHADEMA, Willbrod Slaa akizungumza kama vile anao mpango wa kufanya mabadiliko anayotaka kuyafanya kabla ya uchaguzi ujao. Aliposema kwamba kuiondoa serikali ya Kikwete kabla ya 2015 hautakuwa uhaini anaweza kuwa anasema kweli, kwani uwezekano huo upo.

 

Kwa mfano Bunge linaweza, katika mazingira mahsusi yaliyoainishwa na Katiba, likamshitaki Rais kwa kosa la kuidhalilisha Ofisi yake, na kama akikutwa na hatia likamvua madaraka. Hiyo imeandikwa katika Katiba tuliyo nayo hivi sasa, na wala halina haja ya kusubiri Katiba mpya. Ndiyo maana nasema kwamba anachosema Slaa ni cha kweli kwa maana ya vifungu vya Katiba ya Jamuhuri ya Muungano kama ilivyo leo.

 

Kinachonitia hofu ni kwamba napata hisia kwamba Slaa hakujikita katika vifungu vya Katiba, angalau maelezo niliyoyasoma hayakusema hivyo, jambo ambalo linaweza kuzaa tafsiri kwamba njia mojawapo inayofikiriwa ni kuung’oa utawala wa Kikwete kwa maandamano, kama ilivyokuwa Medani Tahrir.

 

Kama hivyo ndivyo alivyokusudia kusema Slaa, kuna tatizo. Tatizo hilo, kwa mtazamo wangu, linakuwa kubwa zaidi kwa kuangalia matukio ya siku hizi chache zilizopita.

 

Tatizo lenyewe si kwamba haiwezekani kuung’oa utawala uliopo kupitia maandamano na bado kitendo cha kuung’oa kikawa si uhaini. Nchi nyingi zimeshuhudia hilo likifanyika, ikiwa ni pamoja na Indonesia, Philippines, Georgia na sasa Tunisia na Misri. Kilichotokea katika nchi hizo ni mapinduzi ya umma uliosimama na kusema “Utawala huu sasa basi!” Ni mantiki ya mapinduzi kama hayo kwamba yanapofanikiwa walioyaongoza wanakwenda moja kwa moja Ikulu, lakini wakishindwa wanatiwa kitanzi.

 

Ni kwa jinsi hii akina Fidel Castro (Cuba) na Nelson Mandela (Afrika Kusini) walikwenda jela lakini hatimaye waliingia madarakani, lakini Pierre Mulele (Kongo) na Mahjoub (Sudan) walitiwa kitanzi.

 

Naamini kwamba Katibu Mkuu wa CHADEMA alitaka kupeleka ujumbe mzito kwa wakuu wa nchi, lakini kila siku ujumbe unaohusu mambo kama haya hauna budi uandaliwe kwa uangalifu na weledi mkubwa ili usije ukazaa tafsiri zaidi ya moja.

 

Ingekuwa vyema kama Slaa angeonyesha subira katika matamko yake. Hivi sasa watu wengi wanamwangalia kama “rais mtarajiwa.” Angechukua muda kujiandaa kwa umakini mkubwa, hasa wa kuyasoma matatizo ya nchi yetu na kufikiria njia mbali mbali za kuyakabili kuanzia na hili la Katiba ambalo sasa naamini kwamba iwapo atachaguliwa kuwa rais mwaka 2015 ( na nasema hili linawezekana kabisa), atalikuta bado lipo kwa sababu sioni dhamira ya kweli ya kulishughulikia.

 

Akijipa muda wa kujifunza zaidi na kukusanya maoni, na kujenga mitandao ya utafiti itakayowahusisha wataalamu wa kumshauri na kukishauri chama chake, akichukua muda kujadili matatizo ya nchi hii na makundi mbali mbali ya kijamii katika shughuli zao mbali mbali na wakamweleza matatizo yao; naye akajadiliana nao… atakuja kugundua kwamba hakuna muda wa kutosha kwa ajili ya maandalizi hayo.

 

Najua mara nyingi umefanyika uchokozi dhidi ya vyama vya siasa na wanasiasa wa upinzani. Uchokozi huo unafanywa makusudi ili kipatikane kisingizio na wapinzani waweze kushutumiwa kwamba ndio waliodhamiria kuvunja “amani na utulivu” na misemo mingine ya kuchekesha ukiangalia “amani na utulivu” vinavyotawala shughuli za chama-tawala.

 

Kwangu ni dhahiri kwamba kama kuna ghasia kubwa zitakazotokea nchini humu, zitaanzia katika vurugu zinazoendelea ndani ya chama hicho tawala. Hata hivyo, Slaa angejiweka mbali na kila kinachoweza kumfanya yeye ama chama chake waonekane, hata kama si kweli, kwamba wao ndio wanaochochea vurugu.

 

Naandika haya nikijua kwamba sasa kuna hamaniko ndani ya duru za watawala, kwa sababu wanajua wamepoteza nguvu za ushawishi na wanachokiona kwamba kinaweza kuwasaidia ni ushawishi wa nguvu, kama ambavyo wanaonekana kutumia mitulinga isiyokuwa na sababu yo yote alimradi tu waonyeshe kwamba wanazo nguvu, kama vile hatujui kwamba wanazo.

 

Katika kutapatapa wamewaingiza na wakuu fulani wa dini ambao nao sasa wanatoa ‘onyo’ kwa CHADEMA kama vile wamegeuka kuwa idara ya usalama ya serikali au wasemaji wa Jeshi la Polisi.

 

Hali hii inatisha, lakini si mpya. Imetokea kila mahali utawala ulipozeeka, ukapoteza njia, ukasahau hata asili yake, ukapuyanga na kubahatisha, ukababaisha na kubangaiza, ukayumba na kutetereka, ukatekwa na waporaji, ukaendelea kujitutumua kwa kuonyesha ukali wa kijeshi kumbe ndani ya roho yake kiini chake kilikwisha kugugunwa na mapanya-buku kwa muda mrefu. Utawala kama huo unao uwezo mkubwa wa kusababisha maafa kutokana na udhaifu wake.

 

Slaa akae chonjo, apunguze hisia, awe m-rais (presidential). Ajifunze zaidi, kwani kama bado ana nia ya kuwania urais mwaka 2015, kazi iliyo mbele yake ni kubwa. Akumbuke tu kwamba, Rais Jakaya Kikwete alikuwa na (angalau) miaka kumi ya kujiandaa kuwa rais, na hii kumi ni ile tunayoijua sisi.

 

Hata baada ya muda huo wa miaka kumi kupita, na hata baada ya miaka mitano ya kuendesha Serikali, inaelekea bado hajajifunza mambo mengi ya msingi kabisa yanayohusu uongozi na utawala. Slaa afanye hadhari, asije akawa vivyo hivyo.

 

Chanzo: Raia Mwema

 

Wanasiasa wapinga muswada wa kurekebisha katiba

Tuesday, April 12th, 2011

Baadhi ya washiriki wa kongamano la pili la katiba lililofanyika katika Ukumbi wa Nrumah Chuo Kikuu cha Dar es Salaam jana, wakifutila mada mbali mbali wakati wa kongamano hilo. Picha na Joseph Zablon.

 

 

Elias Msuya na   Freddy Azzah
WAKATI serikali ikijiandaa kuwasilisha Muswada wa Marekebisho ya Katiba bungeni wiki ijayo, wanasiasa na wasomi wameupinga wakisema utawabana wananchi.Hata hivyo, wawakilishi wa CCM na UDP walionja joto la jiwe na kulazimika kukatisha hotuba zao, baada ya kuzomewa na washiriki wa Kongamano la kujadili Muswada wa Marekebisho ya Katiba lililofanyika Chuo Kikuu cha Dar es Salaam jana.

 

Viongozi wa vyama vya siasa vya upinzani na wanasheria walioshiriki kongamano hilo walipinga mfumo utakaotumiwa kwa maelezo kuwa unawanyima wananchi haki.Mwenyekiti wa Chadema, Freeman Mbowe, ambaye alishiriki katika kongamano hilo, alisema chama chake hakioni nia njema ya serikali katika kuunda katiba mpya, hivyo wataipinga bungeni na nje ya bunge. Chama hicho kimeapa kutumia maandamano kwa kile wanachokiita nguvu ya umma kuupinga muswada huo kama utapitishwa na Bunge kuwa sheria.

 

“Najua watu wanazungumzia amani, lakini tutaheshimu amani kama inajali maslahi ya wananchi…Tutapinga muswada huo bungeni na kama Bunge litaendeshwa kwa ushabiki, tutarudi kwa wananchi na majibu mtayaona,” alisema. Serikali inatarajia kuwasilisha muswada huo wiki ijayo bungeni, kwa hati ya dharura ili uweze kupitishwa.

 

Akihutubia taifa, Rais Jakaya Kikwete juzi alizungumzia suala la katiba mpya ikiwamo muswada huo.
Naye Mwakilishi wa Chadema katika kongamano hilo, Mabere Marando alisema muswada huo umedhihirisha kuwa Serikali haikuwa na nia ya kuleta katiba mpya bali kuifanyia marekebisho katiba ya sasa.

 

Alikosoa kifungu cha tano cha muswada huo kinachompa uwezo Rais kuunda Tume na kuipa hadidu za rejea.
“Kifungu cha tano kinampa uwezo Rais ambaye ni Mwenyekiti wa CCM akishauriana na Rais wa Zanzibar kuunda tume na kuteua wajumbe na kuwapa hadidu za rejea. Yaani viongozi wawili wa CCM ndiyo wawateue Watanzania Tume ya Katiba,” alisema Marando.

 

Mwakilishi NCCR
Naye Mkurugenzi wa Sheria wa Chama cha NCCR Mageuzi, Dk Sengondo Mvungi, alisema chama chake kimesikitishwa na muswada huo na kwamba watakaa na vyama vingine ili wapeleke hati ya marekebisho ya muswada kabla ya kujadiliwa bungeni.

 

“Nimepokea ushauri kutoka kwa Dk Slaa kwamba sasa inabidi tukae mkao wa uanaharakati ili kupinga muswada huo. Kwanza tutapeleka ‘schedule of amendment’ (hati ya marekebisho) ya muswada kabla haujajadiliwa,” alisema Dk Mvungi. Dk Mvungi alisema kuwa kilio cha Watanzania tangu mfumo wa vyama vingi uanzishwe nchini mwaka 1992 ni kuwa na katiba mpya, siyo marekebisho ya Katiba.

 

Mwakilishi wa CUF
Naye Naibu Katibu Mkuu wa CUF, Julius Mtatiro, alisema  chama chake kimesikitishwa na muswada huo na kuonya kuwa, kama serikali itaendelea nao Tanzania itaingia kwenye machafuko. “Tulipomsikia Rais Kikwete akitoa hotuba kwa tabasamu mwishoni mwa mwaka jana, tulidhani ana nia njema, kumbe muswada huo hauna hata chembe ya tabasamu. Umejaa vitisho vya kila aina, vitisho hivyo vya nini?” alihoji Mtatiro.

 

Mwakilishi  CCM azomewa
Hata hivyo, hali ya hewa katika kongamano hilo ilichafuka baada ya Mwakilishi wa CCM, Prince Bagenda kupanda jukwaani na kuanza kutoa maoni ya chama chake ambapo washiriki wa kongamano hilo walianza kumzomea kila alipoendelea kuzungumza.

 

Bagenda alikiri kwamba hoja ya Katiba haikuwa ya CCM, lakini akasema CCM ilikubali kwa kuwa Serikali huongozwa kwa maoni ya wananchi. Hata hivyo, Bagenda aliwakera watu aliposema suala la katiba haliji hivi hivi tu, bali wananchi wanapaswa kudai. “Msifikiri kila kitu mnapewa tu, lazima mdai,” alisema Bagenda huku akizomewa na washiriki wa kongamano hilo. Baadaye alishindwa kuendelea kutokana na kuzomewa licha ya Msimamizi wa kongamano hilo, Dk Kitila Mkumbo, kujaribu kuwatuliza watu bila mafanikio.

 

Cheyo wa UDP
Hali ilikuwa hivyohivyo kwa Mwenyekiti wa UDP ambaye pia ni Mbunge wa Bariadi Mashariki, John Cheyo, ambaye alishindwa kuendelea na mada yake baada ya watu kuanza kumzomea. Cheyo alisema kuwa muswada huo bado haujawa sheria kwa hiyo hakuna haja ya kuulalamikia sana na kwamba ingawa watu wanaupinga kinachotakiwa kuzingatiwa ni amani.

 

Jaji Samata
Jaji Mkuu Mstaafu Barnabas Samata, alisema katiba ya sasa ina upungufu zaidi ya 100 na baadhi ya upungufu huo kuwa ni pamoja na katiba hiyo kutomhusisha Mungu. “Nchi yetu imetajwa na Katiba kuwa ni ‘circular’ (isiyo na dini) ila watu wake wana dini. Kuwa circular maana yake nchi hiyo iko kinyume na Mungu. Hakuna hata kifungu kimoja kinachomtaja Mungu, lakini kwenye wimbo wa Taifa tumemtaja Mungu mara nyingi tu,” alisema Jaji Samata.

 

Upungufu mwingine ni pamoja na Katiba kutoenzi waasisi wa taifa, Rais kuwa sehemu ya Bunge, kupewa madaraka makubwa, Bunge kuwa na nguvu kubwa, matokeo ya urais kutopingwa mahakamani, Rais kutokuwa na kikomo cha uteuzi wa mawaziri, nchi kutokuwa na itikadi maalumu ya siasa na kutokuwapo kwa mahakama ya Katiba.

 

Jaji Samata alitaka pia, kabla ya kuandikwa kwa katiba mpya vyama vya siasa vyote vikae na kupanga namna misingi ya siasa itakavyokuwa ili kuwezesha nchi kuongozwa kwa misingi ya katiba na siyo utashi wa kiongozi mwenyewe.Pia katika katiba inayotarajiwa kuandikwa, alisema rais asiwe sehemu ya Bunge ila ashirikishe tu pale panapohitajika ikiwa ni pamoja na kusaini sheria na kuhutubia Bunge akiwa kiongizi wan chi na siyo sehemu ya Bunge.

 

“Hali hiyo itatoa uhuru zaidi kwa bunge kufanya shughuli zake, lakini pia utatoa tatizo la mihimili ya dola kutoingiliana katika utendaji wake wa kazi,” alisema Jaji Samata.

 

Francis Kiwanga
Kwa upande wake, Mkurugenzi wa Kituo cha Sheria na Haki za Biandamu, Francis Kiwanga, ambaye aliukosoa muswada huo akisema kuwa rais amepewa madaraka makubwa mno katika kuunda Tume ya Katiba.
Alisema sehemu ya tatu ya muswada huo inampa madaraka rais kuunda tume, kuunda baraza la katiba na kutoa hadidu za rejea. “Rais ni zao la katiba, hawezi kutengeneza Katiba chafu awape wananchi. Wananchi wameporwa mamlaka kwa kumfanya rais kama chombo cha kutengeneza Katiba,” alisema Kiwanga.

 

Profesa Shivji
Naye Profesa Issa Shivji alisema muswada huo una matatizo ya lugha, muundo, mantiki pamoja na kisiasa.
“Ukiusoma kwa umakini utaona unazungumzia mapitio ya katiba hii tuliyonayo na siyo kuandikwa kwa katiba mpya kama tunavyotaka,” anasema Profesa Shivij.Alisema maelezo ya muswada huo juu ya kuundwa kwa tume ya kukusanya maoni, kuundwa kwa Bunge la katiba na nani anayepaswa kukabidhiwa ripoti ya tume iliyokusanya maoni, vifungu vyote hivyo vina upungufu.